၁၉၈၉ - ခု ၀လူမျိုးစုလက်နက်ကိုင်တပ်များ ဗမာပြည်ကွန်မြူနစ်ပါတီကို အာဏာသိမ်းမှု

၁၉၈၉ - ခု ၀လူမျိုးစုလက်နက်ကိုင်တပ်များ ဗမာပြည်ကွန်မြူနစ်ပါတီကို အာဏာသိမ်းမှုနဲ့ ဥက္ကဋ္ဌ သခင်ဗသိန်းတင်အကြောင်း တစေ့တစ်စောင်းသိရှိသမျှ
by Ni Maw
(Notes
) on Friday, April 26, 2013 at 5:29pm

မြန်မာပြည်အရှေ့မြောက်ဖက် တရုတ်မြန်မာနယ်စပ်ဝပန်း ခေါ် ၀နယ...်မှာရှိတဲ့ တောင်တန်းပြာပြာ မှိုင်းကြီးတွေဟာ တောင်ယာမီးခိုတွေကြောင့်သဲသဲကွဲကွဲ မမြင်ရလောက်အောင် မှိုင်းညို့နေတယ်။ တန်ခူး မည်မှတ် ဖက်ဆွတ်ရေတိုးသင်္ကြန်မိုး၊သင်္ကြန်လက်ဆေးမိုးရွာတတ်တဲ့ မြန်မာ့ရိုးရာနှစ်သစ်ကူး အတာ သင်္ကြန် ကာလရောက်ပါပြီ။ မြန်မာပြည်မမှာတော့တစ်နှစ်တစ်ခါစည်ကားမြဲဖြစ်တဲ့ ရိုးရာသင်္ကြန်ပွဲ ကျင်းပ နေပြီ။ တိုင်းရင်းသားလူမျိုးပေါင်းစုံဟာလဲ မိမိတို့ရဲ့ ဒေသအသီးသီးမှာ မိမိတို့ရဲ့ ထုံးတမ်းစဉ်လာမပျက် ရိုးရာသင်္ကြန်ကိုဆင်နွှဲနေကြ တယ်။ တပြည်လုံး ခြိမ့်ခြိမ့်သဲနေတော့တယ်။
လွတ်မြောက်ဒေသ ခေါ် ဦးနေ၀င်း စစ်အစိုးရရဲ့အုပ်ချုပ်မှုကင်းလွတ်ရာ ဗမာပြည်ကွန်မြူနစ်ပါတီ ဗဟိုဌာနချုပ်မြို့တော် ပန်ဆန်းမှာလဲ အတာသင်္ကြန်ပွဲဆင်နွှဲနေတယ်။ ပန်းဆန်းမြို့ရဲ့ ပြန့်ပျူးတဲ့မြေနေရာ မှာ စစ်ဒေသဆေးရုံ၊ စစ်ဒေသစာသင်ကျောင်း၊ကင်းတပ်၊ ဘောလုံးကွင်း၊ နိုင်ငံရေးဌာန၊ စည်းရုံးရေး ဌာန၊ စစ်ဒေသဌာနချုပ်၊ စစ်ဦးစီးဌာနအမျိုးသမီးတပ်ကျောင်းနဲ့ ဆက်သွယ်ရေးဌာနအသီးသီးရှိကြတယ်။ ဒီဌာန အသီးသီးက ရဲဘော်တွေဟာရေကစားမဏ္ဍပ်တွေ ဆောက်လုပ်ကာ သင်္ကြန်တေးသီချင်းတွေ သီဆိုကြ ကခုန်ကြ၊ သင်္ကြန်မုန့်လက်ကောက်၊မုန့်လုံးရေပေါ်တွေ ကျွေးမွေးဧည့်ခံကြနဲ့ အထူးစည်းကားသိုက်မြိုက် နေတော့တယ်။
သင်္ကြန်ပွဲတိုင်းရဲ့ အဓိပတိသီချင်းဖြစ်တဲ့ဆရာမြို့မငြိမ်းရဲ့ မြနန္ဒာသီချင်း၊ နှစ်ဦးအတာသင်္ကြန် သီချင်းနဲ့ မြူးကြွတဲ့ တူးပို့တူးပို့တေးသံတွေ၊မြန်မာ့ရိုးရာဆိုင်းဝိုင်းနဲ့ ခေတ်ပေါ်တေးဂီတ တူရိယာတီးခတ် မှုတွေ၊ ညီညီညာညာ တက်တက်ကြွကြွတိုင်တည်ဟစ်ကြွေးနေကြတဲ့ သံချပ်သံတွေက ၀နယ် ပန်းဆန့်မြို့ တော်ကြီးမှာ တောတခွင်လုံးသာမကတောင်တန်းပြာကြီးတွေကို ကျော်ဖြတ်လွင့်ပျံ ဟိန်းဟိန်းညံနေတော့ တယ်။ မန္တလေးရွှေမြို့တော်ကြီးမှာငွေငန်း ကသလို တရုတ်-မြန်မာနယ်စပ် ၀နယ် ပန်ဆန်းမြို့မှာလဲ ငွေငန်းက နေတာပါ။ ပန်းဆန်းတခွင်မှာတော့ဝင်းဝင်းဝါ၀ါ အခိုင်လိုက် ပွင့်နေတဲ့ မယ်ဇလီပန်းတွေက ပိတောက်နဲ့ ငုဝါပန်းတွေကို အစားထိုးပွင့်နေတယ်။သရက်ဖူး၊ ပိန္နဲဖူး အစီအရီတွေက သင်္ကြန်လေနဲ့ မွှေးရနံ့ ကြိုင်လှိုင် တတောလုံးပျံ့နှံ့နေတယ်။ပန်ဆန်းအ၀င်ဝ ကောင်းဟုန်းရွာ၊ ကောင်းမုရွာက ရှမ်းရွာ လူထုတွေဟာလဲ ရှမ်းလူမျိုးရိုးရာမုန့်ဖက်ထုတ်တွေ ဧည့်ခံကျွေးမွေးပြီး နှစ်သစ်မှာ မင်္ဂလာအပေါင်းနဲ့ ပြည့်စုံစေဘို့ အတာရေဖျန်းကာတောင်းဆုချွေကြတယ်။ ရွာဦးဘုန်းတော် ကြီးကျောင်းက ဘုရားတွေ ရေသပ္ပါယ် အမွှေးရနံ့သာရေတွေပက်ဖျန်း တောပန်းတောင်ပန်းတွေ ဘုရားကပ် လှူကာ စတုဒီသာ သင်္ကြန် ထမင်းတွေနဲ့ ရွာလုံးကျွတ်ကျွေးမွေးဧည့်ခံကြတာပါ။ နှစ်သစ်ကူးကစပြီး စပါးအထွက် ကောင်းစေဘို့ ကျန်းမာစွာဘေးရန်ကင်းဘို့ ရွာတွေနဲ့တဆက်တည်းရှိနေတဲ့ဌာနအသီးသီးက ဗမာပြည် ကွန်မြူနစ်ပါတီ ပြည်သူ့တပ်မတော်သားတွေ အေးချမ်းစွာနေနိုင်ဘို့ဆန္ဒတွေပြုကြတယ်။ ရှမ်းရွာလူထု တွေနဲ့ ပြည်သူ့တပ်မတော်သားတွေဟာ ရေနဲ့ငါးလို တသားတည်းဖြစ်နေတယ်။
၁၉၈၉ ခုနှစ်၊ ဧပြီလရဲ့ သင်္ကြန်ပွဲမှာ အရင်နှစ်တွေနဲ့မတူအထူးစည်းကားနေတာကတော့ ရှစ်လေးလုံးအရေးအခင်းအပြီး လွတ်မြောက်ဒေသ ပန်ဆန်းကို စုရုံးရောက်ရှိလာကြတဲ့ဒီမိုကရက်တစ် ပြည်သူ့တပ်မတော်သား (DPA)တွေကြောင့်ပါ။ ၁၉၈၈ လူထုအုံကြွမှု အရေးတော်ပုံသပိတ်ကြီးမြန်မာပြည် တနံတလျားမှာဖြစ်ပွားပြီး စစ်အစိုးရရဲ့လိုက်လံဖမ်းဆီးသုတ်သင်ရှင်းလင်းမှုတွေကြောင့်လွတ်မြောက်ဒေသ ကို အပြေးရောက်ရှိလာကြတာပါ။ ၁၉၈၉ ခုနှစ် ဧပြီလ သင်္ကြန်ကာလမှာ ဗမာပြည်ကွန်မြူနစ်ပါတီဗဟိုဌာနချုပ်ရုံးစိုက်ရာ ၀နယ် ပန်ဆန်းဒေသတခွင်လုံး အလှပဆုံးနဲ့အုံးအုံးကျွတ်ကျွတ် အစည်ကားဆုံးအချိန်လို့ဆိုနိုင်ပါတယ်။
သင်္ကြန်အတက်နေ့ တစ်ရက်လုံးမမောနိုင် မပမ်းနိုင်ရေကစားကြပြီးပြည်သူ့တပ်မတော် ခေါင်းဆောင်တွေ ကေဒါတွေ တပ်သားတွေအားလုံး ကိုယ့်ဌာနအသီးသီးကို ညနေစောင်းတာနဲ့ပြန်ကြ တော့တယ်။ တပ်ပေါင်းစုရဲဘော်တွေလဲ ကိုယ့်နေရာအသီးသီး ပြန်ကုန်ကြတာပါ။ ကျွန်မတို့ပြည်သူ့အသံလွှင့်ဌာန ညောင်နီစခန်းက ရဲဘော်များအားလုံးလည်း ဌာနရှိရာ တောင်ကုန်းပေါ်ပြန်တက်လာကာ ကိုယ့်အိမ်ထဲမှာညနေစာစားသောက်ရေး၊ မနက်ဖြန် နှစ်ဆန်းတရက်နေ့ နှစ်သစ်ကူးမှာ ရဲဘော်တွေကို ကျွေးမွေးဒါနပြုရေးအတွက် ပြင်ဆင်လုပ်ကိုင်ကြတယ်။ တစ်နှစ်တာစိုက်ပျိုးထားတဲ့ ပြောင်းဖူးစေ့တွေနဲ့ ပြောင်းဖူးမုန့်လုပ်ဖို့ပြင်ဆင်ကာ မနက်ဖြန်နှစ်သစ်ကူးတော့မှာမို့ တအိမ်လုံး အိပ်ယာစောင်ခြင်ထောင် အိုးခွက်ပန်းကန်ကစလို့ ဆေးကြောတော့တအိမ်လုံး တောက်ပြောင်နေတော့တယ်။
ရီရလွန်းရင်ငိုရတဲ့။ သင်္ကြန်မှာပျော်လွန်းတဲ့ကျွန်မတို့တတွေ စိုးရိမ်ထိတ်လန့်မဲ့ သတင်းဆိုးတစ်ခု ကို ဌာနကတာဝန်ပေးချက်နဲ့ ရဲဘော်တစ်ယောက်ကလာပြောပြတယ်။ ဒီည ၀လူမျိုးစုတွေက ပါတီကို အာဏာသိမ်းတော့မတဲ့။ လွတ်မြောက်ဒေသ ကိုးကန့်၊မုံကိုးဒေသ ၈၁၅ စစ်ဒေသဘက်တွေမှာလဲ သိမ်းကုန်ပြီ။ ဒီညပန်းဆန်းဗဟိုဌာနချုပ်ကို သိမ်းလိမ့်မယ်။ဌာနက အမိန့်ပေးတဲ့အချိန်မှာ တရုတ်ပြည်မုံ တဘက်ကမ်းကိုပြေးကြတော့. . .ကျွန်မတို့ကြားကြားချင်းတုန်လှုပ်သွားတဲ့သတင်းပါ။ အမျိုးမျိုးတွေးကြည့် ပါတယ်။ ၀လူမျိုးတွေကကျွန်မတို့ ဗမာလူမျိုးတွေနဲ့ပါတီကိုမလိုလားတော့တာလား။ ၀လူမျိုးစုတွေက ကျွန်မတို့ ပစ်ခတ်သတ်ဖြတ်ပစ်မလား။ ထောင်သွင်းအကျဉ်းချ မြေကျင်းထဲများထဲ့ထားမလား။ ၀နယ် ပန်ဆန်းမှာ ဌာနတာဝန်ထမ်းဆောင်နေတဲ့ တစ်လျှောက်လုံးတော့ ဌာနအသီးသီးက ၀ရဲဘော်တွေကို ဗမာစာ ဗမာစကားသင်ပေးခဲ့ရတယ်။ လက်မှုပညာ၊ စက်မှုပညာ၊ ဆက်သွယ်ရေးပညာ၊ အတီးအမှုတ်၊ အကအခုန်ပညာ၊ ဆေးပညာ၊ စစ်ပညာ၊ ပညာမျိုးစုံသင်ပေးခဲ့လို့သူတို့အားလုံး ယဉ်ကျေးမှုရေချိန် မြင့်တက်လို့ ဌာနကေဒါကြီးတွေ၊ စစ်ရေးကေဒါကြီးတွေတောင်ဖြစ်နေကြပြီ။ သူတို့အသိအလိမ္မာပညာ တွေတိုးရက်နဲ့ ဒို့ ဗမာလူမျိုးတွေကို မောင်းထုတ်တော့မှာလား။မယုံနိုင်စရာပါ။ တညလုံးဌာန အမိန့် ပေးမဲ့အချိန်ကို စောင့်နေရတယ်။ ကျွန်မတို့ သားအမိနည်းတူအိမ်ထောင်သည်မိခင်များနဲ့ ကလေးများ ဟာလဲ ညအမှောင်မှာ ကြောက်ရွံ့ထိတ်လန့် စွာနဲ့ ကိုယ့်အိမ်ထဲမှာကိုယ်ထိုင်ချီထချည် မငြိမ်မသက်ဖြစ် နေတယ်။ ကျွန်မတို့အိမ်ဟာ ညောင်နီကုန်း အသံလွှင့်ဌာနအုတ်တံတိုင်းဝန်းကြီးရဲ့ အပြင်ဘက် ကိုက်(၁၀၀)လောက်အကွာက တောင်ကုန်းအစွန်ဆုံး မှာရှိတယ်။၈၅ ပါတီကွန်ကရက်က ကိုယ့်ဒူးကိုယ်ချွန် လမ်းစဉ် ချမှတ်ပြီးတော့ အသံလွှင့်ရုံဟာ ၀မြောက်ဆောက်ဖားကို ပြောင်းရွှေ့ကာ၊ တရုတ်ပြည်ကပေးတဲ့ အသံလွှင့်စက်အစုံအလင် တပ်ဆင်ထားတဲ့ အသံသွင်းကားကြီး တစင်းပေါ်ကနေ အသံလွှင့်လုပ်ငန်း လုပ်တော့တာမို့၊ လစ်ဟာသွားတဲ့ အသံလွှင့်ရုံကြီးရဲ့ဘယ်ဘက်တခြမ်းကို ဗဟိုစစ်ဦးစီးဌာန ပေါလစ်ဗျူရို ဦးတင်ရီ ဦးစီးဖွင့်လှစ်ပြီး၊ ညာဘက်တစ်ခြမ်းကိုတော့ဗဟိုဝါဒဖြန့်ချိရေးဌာနကြီးမှူး ပေါလစ်ဗျူရို ဦးကျော်မြ က ဦးစီးဖွင့်လှစ်တယ်။ ဗဟိုသုတေသနဌာနမှူးကရဲဘော်အောင်ထက် (ဖိုးသံချောင်း)ဖြစ်ပြီး ဗဟိုဝါဒဖြန့်ချိ ရေးရုံးအုပ်က ကျွန်မရဲဘော်နီမော်ပါကျွန်မခင်ပွန်း ဗဟိုစစ်ဦးစီးဌာန ကေဒါရဲဘော်အေးမောင်ဟာ ဗဟိုစစ် ဦးစီးဌာနမှာ ပေါလစ်ဗျူရိုရဲဘော်တင်ရီ၊အခြားကေဒါ များဖြစ်တဲ့ ရဲဘော်စိုးချစ်၊ ရဲဘော်ဝင်းသိန်း၊ ရဲဘော်ချစ်အောင်တို့နဲ့အတူဝလူမျိုးစုလက်နက်ကိုင်တွေရဲ့ သတင်းကို အဆက်မပြတ်အရယူနေကြ တယ်။ သတင်းထူးရင်ထူးသလို ဌာနကမိခင်နဲ့ကလေးများကိုလာပြောကာ၊ အမိန့်ပေးတဲ့ အချိန်ထွက်ခွါ ဘို့လာပြောကြတယ်။ ကျွန်မတို့ တညလုံးအိမ်မှာမအိပ်နိုင်တော့ပါ။ ယုန်တင့်ကားလမ်းမကြီးအတိုင်း ၀မြောက်က ဆင်းလာတဲ့ ၀လူမျိုးစုတွေရဲ့ကားသံတွေဟာ ၀ူးဝူးဝေါဝေါနဲ့ တစ်ညလုံးဆူညံနေတော့တယ်။
မနက် (၄)နာရီထိုးပါပြီ။ နှစ်ဆန်းတစ်ရက်နေ့အာရုံတက်တော့မယ်။ ညောင်နီကုန်းပေါ်မှာတော့ အမှောင်ထုကြီးစိုးနေဆဲပါ။ ကျွန်မတို့အိမ်ထဲမှာထိုင်ချည်ထချည်နဲ့ တညလုံးဌာနအမိန့်ကို စောင့်နေတဲ့ အချိန်မှာ ကရင်ရဲဘော်စောကိုဦးက"ရဲဘော်နီမော် ၀လက်နက်ကိုင်တွေ အာဏာသိမ်းဘို့ ဒီတောင်ကုန်း ပေါ်တက်လာနေကြပြီ။ ခင်ဗျားအမြန်ထွက်သွားတော့၊ ပေါလစ်ဗျူရို ဦးကျော်မြရဲ၊ဇနီးဒေါ်ဦးစိန် အိမ်မှာစုရပ် ထားတယ်။အမိန့်ပေးတာနဲ့ တရုတ်ပြည်ဘက် မုံအာဘက်ကမ်းကို ပြေးကြတော့" လို့ ပြောတာနဲ့ ကျွန်မလဲ ၆နှစ်ကျော်အရွယ် သားဖြစ်သူကို ကျောပိုးကာ အိမ်ထဲက အမြန်ထွက်ပြေးလိုက်ပါတယ်။ တစ်ချိန်တည်းမှာ ၀လူမျိုးစုလက်နက်ကိုင်တွေကလဲ ကျွန်မအိမ်ခြံထဲကို လက်နှိပ်ဓါတ်မီးတ၀င်းဝင်း စစ်ဖိနပ်သံပြင်းပြင်းနဲ့ဝင်ရောက်လာကြကာ အိမ်ခေါင်းရင်းကို ကျော်ဖြတ်ပြီး အိမ်နောက်ဖေးတောင်ကုန်းအစွန်က ဂျာမဏီခြုံရိုင်းခေါ် ဗီးစပ်ခြုံရိုင်း ပင်တွေလို နင်းပြီးနေရာယူထားကြတယ်။ ကျွန်မတို့ အိမ်နောက်ဖေးတောင်ကမူစွန်းကလေးက ကြည့်ရင်ပန်ဆန်း ပြန့်ကြီးတစ်ခုလုံးကို လှမ်းမြင်ရစမြဲပါ။ လူမျိုးစုတွေကကျွန်မတို့ ခြံထဲဖြတ်ကျော်ချိန်မှာ ကျွန်မတို့က ခြံထဲကအထွက်မို့ သီသီကလေးလွတ်သွားတာပါ။ကျွန်မတို့ သားအမိလဲ သစ်ပင်ရိပ်နဲ့ မှောင်ရိပ်ခိုကာ ဒေါ်ဦးစိန်အိမ်ဘက်ကို ခပ်သုတ်သုတ်အပြေးတပိုင်းနဲ့ အသံလွှင့်ရုံရှေ့ကနေဖြတ်သွားရတယ်။ ကျွန်မတို့ သားအမိ ဒေါ်ဦးစိန်အိမ်ကိုရောက်တဲ့အချိန်မှာ ၀လူမျိုးစု တပ်ခွဲတခွဲလောက်ဟာ ညာသံပေးပြီး အသံလွှင့်ရုံ ၀န်းတံခါးမကြီးကိုသေနတ်ဒင်နဲ့ ထုစစ် ဖိနပ်တွေနဲ့ ကန်ကျောက် ဟေး ဟေး ဟေး . . . ဒုန်း ဒုန်း ဒုန်း . . .ဒိန်း ဒိန်း ဒိန်း ဆိုတဲ့ကျယ်လောင်ပြင်းထန်တဲ့ အော်သံထုရိုက်သံတွေနဲ့ အသံလွှင့်ရုံ ၀န်ကြီး ထဲဝင်ရောက်လာကာ ဗဟိုစစ်ဦးဌာနဗဟိုဝါဒဖြန့်ချိရေးဌာန ဗဟိုသုတေသနဌာန ထဲဝင်ပြီး အာဏာသိမ်း လိုက်ကြသံကို ကြားနေကြရတယ်။
ပေါလစ်ဗျူရို ဦးကျော်မြရဲ့ ဇနီးဒေါ်ဦးစိန်အိမ်မှာဌာနက အိမ်ထောင်သည်အမျိုးသမီးရဲဘော်မများ နဲ့ ကလေးများ အားလုံးရောက်ရှိပြီး ဌာနအမိန့်ကိုထိုင်စောင့်နေစဉ်မှာ ရဲဘော်အောင်ထက်က "ခင်ဗျားတို့ အားလုံးပြေးကြတော့ အသံလွှင့်ရုံဝန်ကြီးကိုသိမ်းလိုက်ပြီ။ တရုတ်ပြည် မုံအာဘက်အမြန်ပြေးကြ"လို့ လာပြောတာနဲ့ တပြိုင်နက် ကျွန်မတို့ကလေးမိခင်များအားလုံး ခလေးကိုယ်စီကျောပိုး၊ ကလေးများကို လက်ဆွဲကာ အသံလွှင့် ရုံနောက်ဖက်ခြမ်းတောင်ကုန်းရဲ့ မြေလမ်းလေးအတိုင်း လျှောစင်းစီးသလို လျှောချ လိုက်ကြတာ နမ့်ခါချောင်းကမ်းဘေးရောက်လာကြတော့တယ်။အားလုံးဟာ အ၀တ်အထည် ကိုယ်တစ်ခု တွေချည်းပါ။ ကျွန်မတို့ တော်လှန်ရေးသက်တမ်းတလျှောက်လုံးရိုက်ကူးခဲ့တဲ့ ဓါတ်ပုံအယ်လ်ဘန်နဲ့ ကလေးအ၀တ် နှစ်စုံလောက် ကျောပိုးအိတ်ထဲထည့်လာခဲ့ပေမဲ့ဝလူမျိုးစုတွေ လက်ကလွတ်အောင် အပြေး မှာ မသယ်နိုင်တော့လို့ လမ်းမှာတင် ပစ်ချထားခဲ့ရတယ်။အသက်အန္တရာယ်က ပုံစံအမျိုးမျိုးကျရောက်လာ နိုင်တာမို့၊ ကျွန်မမှာ ပစ္စတိုတလက်ကိုတော့ကိုယ်နဲ့မကွာယူဆောင်လာတုန်းပါ။ နမ့်ခါချောင်းရေကလဲ ဧပြီလမို့ ရေအတိမ်ဆုံးအချိန်၊ ချောင်းရေကြည်လင်လို့ချောင်းရေအောက်က ကျောက်တုံးလေးတွေနဲ့ ရေထဲမှာ ဆန့်မျောနေတဲ့ ရေညှိစိမ်းစိမ်းတွေကိုမနက်အာရုဏ်လင်းစမှာ မြင်နေရတယ်။ နမ့်ခါချောင်းက ပေ ၂၀၀' လောက်ကျယ်ပါတယ်။ ရေတိမ်တော့ဖြတ်ကူးလို့လွယ်တယ်။ ကျွန်မတို့ ကလေးမိခင်များနဲ့ ကလေးများအားလုံးဟာ ၀လူမျိုးစုတွေရဲလက်ထဲမကျရောက်အောင် ချောင်းတဖက်ကမ်းကိုကူးကြရ မယ်။ ကျွန်မတို့အားလုံး တပ်ဘောင်းဘီရှည်တွေကိုဒူးအထိလိပ်တင်လိုက်ကြကာ ကလေးကျောပေါ်တင် သူက တင်လက်ဆွဲ သူကဆွဲနဲ့ ချောင်းရေထဲစဆင်းပြီးချောင်းကို ကန့်လတ်ဖြတ်လမ်းလျှောက်ကြရတယ်။ ရေထဲမှာ လျှောက်ရတာနဲ့ ရေအောက်က ရေညှိကပ်တဲ့ကျောက်တုံးတွေနင်းရတာကြောင့် တကိုယ်လုံး ယိမ်းယိုင်နေလို့ တယောက်၊ လက်တယောက်ဆွဲပြီးရေထဲဖြတ်ကူးကြတော့ တရုတ်နယ်စပ်မုံအာရွာရဲ့ ကမ်းနံဘေးကို ရောက်ပါတော့တယ်။ မုံအာကမ်းစပ်သဲသောင်ပြင်ပေါ်ကရာဘာစိုက်ခင်းမှာ ထိုင်ပြီးအနား ယူနေရင်းနဲ့ မိုးစင်စင်လင်းပါတော့တယ်။ မိုးလင်းပြီးသဲသဲကွဲကွဲမြင်နေရတဲ့အချိန်မှာတော့ ကျွန်မတို့ အမျိုးသမီးရဲဘော်တွေဟာ ညောင်နီကုန်းအသံလွှင့်ရုံဘက်ကိုလှမ်းမျှော်ကြည့်လိုကတဲ့အခါမှာ ပါတီကို အာဏာသိမ်းလိုက်တဲ့ ၀လူမျိုးစုလက်နက်ကိုင်တွေဟာထွက်ပြေးတဲ့ ဗမာရဲဘော်တွေရဲ့ အိမ်တိုင်းကိုဝင် ရောက် မွှေနှောက်နေတာ အိမ်ထဲက ပစ္စည်းတွေကိုဆွဲယူနေကြတာကို မသဲမကွဲလှမ်းမြင်နေရပါတယ်။ ကျွန်မရဲ့ ခင်ပွန်း စစ်ဦးစီးဌာနကေဒါရဲဘော်အေးမောင်ကို ပေါလစ်ဗျူရိုရဲဘော်တင်ရီက ရှိတဲ့လက်နက်တွေ အကုန်စုကာ ဂိုဒေါင်သစ်လက်နက်ရုံကိုအပ်ခိုင်းလိုက်တဲ့အတွက် ရဲဘော်အေးမောင်လက်နက်တွေ တွန်းလှည်းနဲ့တင်အသွား လမ်းမှာ ၀လူမျိုးစုလက်နက်ကိုင်တွေရဲ့ဖမ်းဆီတာခံလိုက်ရတယ်လို့ဆိုတယ်။ ၀လက်နက်ကိုင်တွေဟာ ၀မြောက်ကလာတဲ့ ၀တပ်သားတွေဖြစ်တဲ့အတွက်ဒေသစိမ်းမျက်နှာ စိမ်းတွေဖြစ် နေတာမို့ လက်နက်တွေကို သူတို့စစ်ဆေးနေတုန်း အလစ်မှာ ရဲဘော်အေးမောင်နမ့်ခါချောင်းကိုဖြတ်ပြီး တရုတ်ပြည်မုံအာဘက်ကမ်းကို ရောက်လာတော့တယ်။ တကယ်တော့ ၀လူမျိုးတွေဟာအထက် ခေါင်းဆောင်တွေရဲ့ အမိန့်နဲ့ ဗမာရဲဘော်တွေကို အာဏာသိမ်းရတာ မှန်ပေမဲ့ အသက်ကိုတော့ရန်မရှာပါ။ ၀နယ်မှာ နေလိုကဆက်နေနိုင်တယ်။ဝလူမျိုးတွေရဲ့ အုပ်ချုပ်မှုအောက်မှာ နေရမယ်။ သွားလိုရာသွားရင် လဲရတယ်လို့ပြောပါတယ်။ခဏအကြာမှာတော့ . . . နေပွင့်လာပါပြီ။
ရဲဘော်အောက်ထက်၊ ရဲဘော်ချစ်အောင်၊ ရဲဘော်ဝင်းသိန်း၊ရဲဘော်စောကိုဦး၊ ရဲဘော်စိုးချစ်စတဲ့ ကေဒါများဟာ စစ်ဦးဌာနမှူး ပေါလစ်ဗျူရို ဦးတင်ရီ၊ဗဟိုဝါဒဖြန့်ချိရေးဌာနမှူး ပေါလစ်ဗျူရို ဦးကျော်မြတို့ ကိုတွဲခေါ်ကာ နမ့်ခါချောင်းကိုဖြတ်လို့ မုံအာဘက်ကမ်းကို ရောက်လာကြတော့တယ်။
မနက်မိုးစင်စင်လင်းတဲ့အခါမှာ ပန်ဆန်းမှာတညလုံးဖြစ်ပျက်နေတဲ့ အာဏာသိမ်းမှုကို သိပြီးဖြစ်တဲ့ တရုတ်ပြည် မုံအာဆက်သွယ်ရေးဌာန ပုလိပ်တွေနဲ့ပြည်သူလွတ်မြောက်ရေး တပ်မတော်တပ်သားတွေ ဟာ မုံအာကမ်းစပ်ရာဘာစိုက်ခင်းမြေကြီးပေါ်မှာခြေပစ်လက်ပစ်ထိုင်နေကြတဲ့ ကျွန်မတို့အားလုံးဆီကို ရောက်လာကြတယ်။ သူတို့အားလုံးဟာ ၀တ်စုံအစိမ်းရောင်ယူနီဖောင်းနဲ့ပါ။လက်နက်ပါသလား လက်နက်ပါလား။ အပ်ပါ။ အပ်ပါလို့ တရုတ်လိုပြောတော့ ကျွန်မတို့ ဗမာရဲဘော်တွေထဲကလက်နက်ပါသူ တွေတိုင်း တရုတ်ပုလိပ်တွေရှေ့ မြေကြီးပေါ်ပုံချထားလိုက်ကြတယ်။ ကျွန်မလဲ အသက်အန္တရာယ်ကာကွယ်ဘို့ ယူလာခဲ့တဲ့ စစ်ဘောင်းဘီခါးပတ်ရှိ ပစ္စတိုအိတ်ထဲက ၂၀ မမ ပစ္စတိုကို ညာလက်နဲ့ဆွဲထုတ်ကာ မြေကြီးပေါ်ချပေးလိုက်ပါတယ်။ အဲဒီနောက် မနက်နေမြင့်လာတာနဲ့ အသက်(၇၀)နီးပါးခေါင်းဆောင်တွေနဲ့ ကလေးတွေရဲ့ ကျန်းမာရေးအတွက် နံနက်စာကျွေးမွေးဘို့ မုံအာဘက်ကမ်းကရှမ်းရွာတွေဆီကိုသွား လိုက်ကြတော့တယ်။ ရှမ်းရွာထဲက ရှမ်းနေအိမ်တွေမှာ ခွင့်ပန်ပြီးညအိပ်ညနေ တည်းခိုနေထိုင်ကာ ဗကပ ခေါင်းဆောင်တွေရဲ့ စီစဉ်ပေးမှုနဲ့ အားလုံးစုပေါင်းချက်ပြုတ်စားသောက်ကြရပါတယ်။ တပါတ်ခန့်ကြာပြီး မုန်းမ ခေါ် ရှမ်းရွာကို တရုတ်ဆက်သွယ်ရေးဌာနရဲ့ အစီအစဉ်နဲ့ပြောင်းရွှေ့ကာတာလပတ်စနဲ့ အိမ်ပုံစံဆောက် လုပ်ထားတဲ့ တဲအိမ်မှာ နှစ်အိမ်ထောင်တဲတစ်လုံးကျနှုန်း စုပေါင်းနေထိုင်ကာ ဒုက္ခသည်စခန်းဖွင့်လိုက်ကြပါ တော့တယ်။ ခေါင်းဆောင်တွေနဲ့ကေဒါတချို့ကိုတော့ မုန်းလျင်စခန်းမှာသွားရောက်နေထိုင်ဘို့ တရုတ်ပြည် ဆက်သွယ်ရေးဌာနက စီစဉ်ပေးပါတယ်။
ဗမာပြည်ကွန်မြူနစ်ပါတီဗဟိုဌာနချုပ်ရုံးတစ်ရုံးလုံးဟာလည်း ၀လူမျိုးစုတွေ နှစ်ဆန်းတစ်ရက် ဧပြီ(၁၇)ရက်နေ့မှာအာဏာသိမ်းတော့မယ်ဆိုတာ ကြိုတင်သိထားပါတယ်။ သင်္ကြန်အတက်နေ့ညတစ်ည လုံးမှာ ဗဟိုရုံးရှိဥက္ကဋ္ဌနဲ့ ပေါလစ်ဗျူရို ခေါင်းဆောင်များအားလုံး မအိပ်နိုင်ကြပါ။ လှုပ်လှုပ်ရွရွနဲ့ ရင်ဆိုင်ဘို့အသင့်ပြင်နေကြောင်းသိရပါတယ်။ ဗဟိုခေါင်းဆောင်များအားလုံးဟာ အသက်(၈၀)နားနီးအရွယ်တွေမို့သွက်သွက်လက်လက် မလှုပ်ရှားနိုင်သလို အမြင်အာရုံဟာလဲ ချို့တဲ့နေပါပြီ။ ကိုယ့်ရောဂါနဲ့သင့်တော်တဲ့ အာဟာရနဲ့ ဆေးဝါးမှီဝဲပြီး အသက်ရှင်နေတာလို့ဆိုနိုင်ပါတယ်။ တော်လှန်ရေးဟာရေရှည်စစ်ပွဲကြီးဖြစ် လာတော့ မလိုလားအပ်တဲ့ ပြဿနာပေါင်းစုံဖြစ်နေပါပြီ။ ၈၅ ခုနှစ်ပါတီကွန်ကရက်မှာဥက္ကဋ္ဌထည့်သွင်းပြော ကြားခဲ့ပြီးဖြစ်တဲ့အတိုင်း ကေဒါတွေဟာ ကျဉ်းမြောင်းတဲ့လူမျိုးရေးကိုလွန်ကဲစွာ ရှေ့တန်းတင်လာတာကိုလဲ ထောက်ပြခဲ့ပါတယ်။ ၀လူမျိုးစုတွေကဗမာပြည်ကွန်မြူပါတီကိုအာဏာသိမ်းရတာဟာ ရေရှည်စစ်ပွဲအတွင်း စစ်အစိုးရနဲ့ အနှိုင်အရှုံးမဆုံးဖြတ်နိုင်ရုံသာမကရှည်ကြာတဲ့ လက်နက်ကိုင်တိုက်ပွဲကြီးကြောင့် ၀လူမျိုးတွေ အသက်များစွာဆုံးရှုံးအိမ်ထောင်တွေသေကွဲရှင်ကွဲကွဲ၊ ဒုက္ခိတတွေများပြားရုံသာမက စစ်ဘေးစစ်ဒဏ် ကြောင့် အိုးအိမ်တောင်ယာတွေပျက်စီးတဲ့ အတွက် ၀နယ်တစ်ခုလုံး အငတ်ပြဿနာကြီးကို မဖြေရှင်းနိုင် တောပါ။ ကြာရင် ၀လူမျိုးပျောက်သွားမှာတောင်စိုးရိမ်ရတယ်။ဒါကြောင့် ဗမာပြည်ကွန်မြူနစ်ပါတီရဲ့ ရေရှည်စစ်ကြီးကို အယုံအကြည်မရှိတော့ဘူး။ အုပ်ချုပ်တာလဲမခံလိုတော့ဘူး။ ဒေသဖွံ့ဖြိုးတိုးတက်ရေး သာ လုပ်လိုတော့တယ်။ ဒါကြောင့် ဗမာပြည်ကွန်မြူနစ်ပါတီကိုအာဏာသိမ်းရတာဖြစ်တယ်။ ခေါင်းဆောင် များ၊ ကေဒါများအားလုံး သွားလိုရာသွားနိုင်တယ်လို့ဝလူမျိုးစုခေါင်းဆောင်များက ပြောကြားခဲ့ပါတယ်။ အဲဒါကြောင့် နှစ်ဆန်းတစ်ရက်နေ့ မနက်လင်းအားကြီးမှာဗဟိုရုံးတစ်ရုံးလုံးဟာ ခေါင်းဆောင်များရဲ့ ဆုံးဖြတ်ချက်အရ တရုတ်ပြည်မုံအာဆိပ်ကမ်းကိုနမ့်ခါချောင်းကို ကျော်ဖြတ်ပြီးသွားလိုက်တော့တယ်။
ဗမာပြည်ကွန်မြူနစ်ပါတီဥက္ကဋ္ဌ သခင်ဗသိန်းတင်လည်းပါတီကြီးတပ်မတော်ကြီး လွတ်မြောက်ဒေသကြီးတစ်ခုလုံးကို ဦးဆောင်နေတဲ့ အမြင့်ဆုံး ခေါင်းဆောင်ကြီးဖြစ်တဲ့အားလျှော်စွာ အမှား အနဲဆုံးဖြစ်အောင် ချင့်ချိန်စဉ်းစားနေပုံရပါတယ်။ အသက်အရွယ်လဲ (၈၀)နားနီးဖြစ်ပြီးပင်ကိုယ် ကျန်းမာရေးတစ်လျှောက်လုံး မကောင်းခဲ့တဲ့ ဥက္ကဋ္ဌဟာ ဇရာဒုက္ခနဲ့ ပါတီနဲ့တပ်ရဲ့ဖရိုဖရဲပြိုကွဲမှုကို တပြိုင် ထဲရင်ဆိုင်နေရတယ်။ ဥက္ကဋ္ဌဟာ ၁၅ ပေ ပတ်လည်မျှသာကျယ်တဲ့ သူရဲ့အိမ်ခန်းထဲက၀ါးပက်လက် ကုလားထိုင်ပေါ်မှာ ဧပြီ (၁၆)ရက်ည တစ်ညလုံးတည်ငြိမ်စွာထိုင်နေ ကြောင်းသိရှိရတယ်။တော်လှန်ရေး သတိထားတဲ့အနေနဲ့ ဥက္ကဋ္ဌဘိုက်ပေါ်မှာ ကာဘိုင်သေနတ်တလက် တင်ထားတယ်လို့သိရတယ်။ဧပြီလမို့ ရာသီဥတုကလဲ ပူပြင်းတယ်။ ၀လက်နက်ကိုင်တပ်တွေ ၀မြောက်ကနေ ၀တောင်ပန်ဆန်း ဗဟိုဌာနချုပ်ရှိရာကို ကားနဲ့တစ်မျိုး၊ ခြေလျင်တဖုံအလုံးအရင်း ၀င်ရောက်လာပြီဆို တာကိုလဲ ဆက်သွယ်ရေးသတင်းတွေအရ သိထားပြီးသားမို့ အတွင်းရန်ကို ဘယ်လိုမှမချေမှုန်းနိုင်တော့ဘဲ ငုတ်တုတ်ထိုင်နေတာကအကောင်းဆုံးအနေအထားနဲ့ ရင်ဆိုင်ခြင်းလို့ ဆင်ခြင်ထားပုံရပါတယ်။ ဇရာ ဒုက္ခ ခံစားနေရတဲ့ဥက္ကဋ္ဌ သခင်ဗသိန်းတင်ဟာ ၀လူမျိုးစုလက်ကိုင်တွေရဲ့ ပါတီပေါင်းဆောင်မှုအပေါ် ငြင်းဆိုတာ ကိုလက်တွေ့ခံစားနေရပါပြီ။ အသက်(၂၀)ကျော် ကျောင်းသားဘ၀။ ၁၉၃၆-ခုနှစ်ကထဲက နိုင်ငံရေး နယ်ပယ်ထဲကိုဖခင်ကြီးရဲ့အားပေးမှုနဲ့ ခြေစုံပစ်ဝင်လာတဲ့ ဥက္ကဋ္ဌသခင်ဗသိန်းတင်ဟာ မိမိဇာတိချက်မြှုပ်ထားဝယ်ဒေသကိုလဲ စွန့်ခဲ့တယ်။ မိမိညီအစ်ကိုမောင်နှမဆွေမျိုး တစ်စုကိုလဲ စွန့်ပစ်ခဲ့တယ်။မိမိအိမ်ထောင် သည် ဇနီးနဲ့သားသမီးများကိုလဲ စွန့်ခဲ့တယ်။ အခုလဲ မိမိတော်လှန်ရေးခရီးကြမ်းကြီးတစ်လျှောက်လုံး မှာ တည်ဆောက်ခဲ့တဲ့ ပါတီ၊ တပ်၊ အခြေခံဒေသကြီးကို စွန့်လွှတ်ရတော့မယ်။ဥက္ကဋ္ဌဟာအသက်အရွယ်အရ တော်လှန်ရေး အတွေ့အကြုံအရ တည်ငြိမ်ရင့်ကျက်ပြီးဖြစ်တဲ့အတွက် ဘ၀တိုင်းမှာလူတိုင်းကြုံတွေ့ကြရ တဲ့ လောကဓံတရားနဲ့ လောကရဲ့ဖြစ်မှုပျက်မှု မမြဲသော တရားတွေအပေါ် ဆင်ခြင်သုံးသပ်နေဟန်ရှိတယ်။
ဥက္ကဋ္ဌဟာ ဘ၀တသက်တာလုံး ပြည်သူလူထု ဘ၀လွတ်မြောက်ရေးအတွက်ဆိုတဲ့ ခံယူချက်နဲ့ ကိုယ်ကျိုးစွန့်ခဲ့တာပါ။ လက်ရှိအချိန်မှာ ပြည်သူ့ဒီမိုကရေစီတော်လှန်ရေးကြီးမအောင်မြင်သေးပေမဲ့လည်း အသက်အရွယ်ကြီးပြီး ကျန်းမာရေးတစ်လျှောက်လုံး မကောင်းခဲ့တဲ့အတွက်၊လူသားတစ်ယောက်အနေနဲ့ အေးအေးဆေးဆေး အနားယူသင့်ပါပြီ။ နောက်တစ်ခု ကျွန်မတို့ သိရတာက တရုတ်ပြည်မုံအာဘက် ကမ်းက ဆက်သွယ်ရေးဌာနကနေ အကြောင်းကြားခဲ့တယ်လို့ဆိုပါတယ်။ ဥက္ကဋ္ဌတရုတ်ပြည်မှာအနားလာ ယူနေထိုင်ဘို့ပါ။ ဒီအကြောင်းကို ကြားသိရင် သိချင်းဘဲ ၀လူမျိုးတွေဟာ ဥက္ကဋ္ဌဘိုက်ပေါ်ကကာဘိုင်ကိုသိမ်း လိုက်ပြီး ဥက္ကဋ္ဌထိုင်နေတဲ့ ၀ါးပိုးဝါးနှစ်လုံးအလယ်မှာ တာလပတ်စိမ်းစတပ်ထားတဲ့ပက်လက်ကုလားထိုင်ကို နှစ်ယောက်တဖက်စီထမ်းစင်လို မ,ကာ ထမ်းလိုက်ကြကာ ဥက္ကဋ္ဌနေအိမ်ခန်းကနေ အိမ်ရှေ့ကားလမ်းမပေါ် ထွက်လာခဲ့ကြတယ်လို့ သိရတယ်။ တောင်ကုန်းကနေ တောင်အောက် ဆင်းတဲ့ဖြတ်လမ်းရောက်တော့ နမ့်ခါချောင်းစပ်ဘေးအထိ ဖြည်းဖြည်းဆင်းလာခဲ့ကြတော့တယ်လို့ဆိုပါ တယ်။ဝလူမျိုးစုတွေဟာ ဗဟိုရုံးနဲ့ မလှမ်းကမ်း နမ့်ခါချောင်းကမ်းစပ်ရောက်တော့ ချောင်းကူးတံတားပေါ်ကို ဖြတ်ကျော်ကာ မုံအာဘက်ကမ်း အရောက် ဥက္ကဋ္ဌကို ထမ်းခေါ်လာခဲ့ကြကြောင်းသိရတယ်။ တဖက် နိုင်ငံတရုတ်ပြည်ကမ်း မုံအာရောက်တာနဲ့ ဆက်သွယ်ရေးဌာန တရုတ်ပုလိပ်များနဲ့ တရုတ်ပြည်သူ လွတ်မြောက်ရေးတပ်မတော်သားဆယ်ဦးခန့်ကို တပ်ဝတ်စုံစိမ်းတွေနဲ့စောင့်ကြိုနေတာ တွေ့လိုက်ရတယ်။ ဥက္ကဋ္ဌသခင်ဗသိန်းတင်ကိုကားပေါ်တက်စေကာ တရုတ်ပြည် မုန်းလျင်မြို့သို့ ခေါ်ဆောင်သွားကြောင်း သိလိုက်ရပါတယ်။
စာမူရှင် - နီမော်