ဗိုလ်ချုပ်အောင်ဆန်းရဲ့  ရန်ကုန်တက္ကသိုလ် ၀ိဇ္ဇာဘွဲ့ လက်မှတ်ပုံ

1952 ခုနှစ် ဗိုလ်ချုပ်အောင်ဆန်းဥယျာဉ်နေရာ

ဗိုလ်ချုပ်အောင်ဆန်းသခင်ကိုယ်တော်မှိုင်းထံပေးပို့ ခဲ့သောစာမူ။

- ဗိုလ်ချုပ်အောင်ဆန်း တက္ကသိုလ်ကျောင်းသားသမဂ္ဂ
ဒုတိယဥက္ကဌ တာဝန်ထမ်းဆောင်ခဲ့စဉ်ကာလ နာယက
ဆရာကြီးသခင်ကိုယ်တော်မှိုင်းထံပေးပို့ ခဲ့သောစာမူ။

ဂဠုန်ဦးစော

မြန်မာနိုင်ငံ လွတ်လပ်ရေး ဖခင်ကြီး ဗိုလ်ချုပ်အောင်ဆန်းကို လုပ်ကြံ သတ်ဖြတ်ခဲ့သော ဂဠုန်ဦးစော

Aung San

ဗိုလ်ချုပ်အောင်ဆန်းပါဝင်ခဲ့သော ရုပ်ရှင်ဇာတ်ကား

ဗိုလ်ချုပ်အောင်ဆန်းပါဝင်ခဲ့သော ရုပ်ရှင်ဇာတ်ကား
Written by: တင်နိုင်တိုး

ဗိုလ်ချုပ်အောင်ဆန်းသည် ရန်ကုန်တက္ကသိုလ်ကျောင်းသားဘ၀က ဘွိုင်ကော့တာ (Boycotter) အမည်ရှိ ရုပ်ရှင်ဇာတ်ကားတစ်ကားတွင် ပါဝင်သရုပ်ဆောင်ခဲ့ဖူးရာ ထိုစဉ်က နာမည်မထင်ရှားသေးသဖြင့် လူသိနည်းလှပါသည်။

ဘွိုင်ကော့တာ ရုပ်ရှင်ဇာတ်ကား

ဘွိုင်ကော့တာ ရုပ်ရှင်ဇာတ်ကားကို ဗြိတိသျှဘားမားရုပ်ရှင်မှ ဒါရိုက်တာဦးဘဇင်က ရိုက်ကူးခဲ့ခြင်းဖြစ်သည်။ ယင်းဇာတ်ကားတွင် တင်ဆွေ၊ လှမောင်ကြီး၊ မေမေ၀င်းနှင့် ရုပ်ရှင်သရုပ်ဆောင်များစွာ ပါဝင်ထားကြကာ ၁၈ စက်တင်ဘာ ၁၉၃၇ တွင် ရန်ကုန်မြို့ အိုလံပီယာရုပ်ရှင်ရုံ၌ ပြသခဲ့ပါသည်။

ကျောင်းသားခေါင်းဆောင်များ

ဘွိုင်ကော့တာ ရုပ်ရှင်ဇာတ်ကားတွင် ရန်ကုန်တက္ကသိုလ် ကျောင်းသားသမဂ္ဂမှ ကျောင်းသားခေါင်းဆောင်များ အများအပြား ပါဝင်သရုပ်ဆောင်ထားကြသည်။ ကျောင်းသားကိုအောင်ဆန်းသာမက ကိုနု (နောင်ဝန်ကြီးချုပ်)၊ ကိုရာရှစ် (နောင်ဝန်ကြီး)၊ ကိုထွန်းအုံ (နောင်မြူနီစီပယ်မင်းကြီး)တို့လည်း ပါဝင်ခဲ့ကြသည်။ ကိုနုသည် ကိုယ်တိုင်ပါဝင်သရုပ်ဆောင်ရုံမျှမက ဇာတ်ညွှန်းနှင့် တွဲဖက်ဒါရိုက်တာအဖြစ်ပါ တာဝန်ယူခဲ့ပါသည်။

ဇာတ်လမ်းအကျဉ်း

ဘွိုင်ကော့တာဇာတ်ကားကို ရန်ကုန်တက္ကသိုလ် ကျောင်းသားသပိတ်တွင် ဦးဆောင်နေသူ လှမြင့်က အမျိုးသားတက္ကသိုလ် တည်ဆောက်ရေးနှင့် စည်းရုံးရေးအတွက် ရန်ကုန်မှပဲခူးသို့ မီးရထားဖြင့်လာခဲ့ရာမှ အစပြုထားပါသည်။ လှမြင့်နှင့်အတူ ပါလာသူ ယောက်ျားဟန်ဝတ်ဆင်ထားသော သန်းသန်းအား ရာဇ၀တ်အုပ်က မသင်္ကာ၍ စစ်ဆေးရာမှ မိဘများ သိရှိသွားကြသဖြင့် ထွက်ပြေးကြရသည်။

ရန်ကုန်တွင် လှမြင့်က သန်းသန်းနှင့်လက်ထပ်ကာ အတူပေါင်းသင်းနေထိုင်စဉ် မျက်နှာချင်းဆိုင်အိမ်မှ လှမောင်ကြီးက ရန်ပုံငွေထည့်ဝင်ခြင်း၊ ထမင်းဖိတ်ကျွေးခြင်းတို့ဖြင့် ရင်းနှီးအောင်ကြံဆောင်ခဲ့သည်။ လှမြင့်စည်းရုံးရေးခရီးမှ ပြန်ရောက်လာသောအခါ ဇနီးအား အထင်လွဲသွားသည်။ သန်းသန်းက အိမ်မှဆင်းသွားရာ လိုက်လံရှာဖွေရင်း နောက်ဆုံး ပြန်လည်ဆုံစည်းကြရင်း အမျိုးသားတက္ကသိုလ်ဖွင့်ပွဲ ပျော်ရွှင်စွာဆင်နွှဲကြပုံဖြင့် ဇာတ်သိမ်းထားပါသည်။ ကျောင်းသားခေါင်းဆောင် ကိုအောင်ဆန်းတို့က လှမြင့်အမျိုးသားတက္ကသိုလ် ထူထောင်ရေးအတွက် စည်းရုံးဟောပြောသည့်အခန်းတွင် ပါဝင်သရုပ်ဆောင်ခဲ့ကြခြင်း ဖြစ်သည်။

သူရိယသတင်းစာမှ ဖော်ပြချက်

ဘွိုင်ကော့တာ ရုပ်ရှင်ဇာတ်ကားနှင့် ပတ်သက်၍ ၂၄ စက်တင်ဘာ ၁၉၃၇ ရက်စွဲပါ သူရိယသတင်းစာတွင် ‘ဘွိုင်ကော့တာ ကျောင်းသူကျောင်းသားတို့ တိုးဝှေ့ကြည့်ကြပုံ’ ခေါင်းစဉ်ဖြင့် ရေးသားဖော်ပြရာ၌ “လွန်ခဲ့သည့် ယူနီဘာစီတီ အရေးတော်ပုံကြီးနှင့် ပတ်သက်၍၊ ဗြိတိသျှဘားမား အရေးတော်ပုံကြီးနှင့် ပတ်သက်၍ ကုမ္ပဏီဒါရိုက်တာ ဦးဘဇင်သည် ၀တ္ထုသဘောမျိုးသက်ဝင်သည့် တကယ့်အဖြစ်များကို မျက်စိပသာဒ၌ ကွင်းကွင်းကွက်ကွက်ပေါ်လာအောင် ‘ဘွိုင်ကော့တာ’ ဇာတ်ထုပ်ကို ရိုက်ကူး၍ ယခုအခါ အော်လံပီယာရုံကြီး၌ ပြသလျက် ရှိကြောင်း။

ထိုဇာတ်ထုပ်ကြီးကို ပြသသည့်နေ့တွင် ရန်ကုန်မြို့ပေါ်ရှိ ကျောင်းတိုင်းကျောင်းတိုင်း သပိတ်မှောက်ကျောင်းသူကျောင်းသားများသည် သူ့ထက်ငါတိုးဝှေ့၍ အားတက်သရော ကြည့်ရှုကြပြီးလျှင် ကောင်းချီးပေးကြကြောင်း” စသည်ဖြင့် ရေးသားဖော်ပြခဲ့သည်။

ကိုအောင်ဆန်းကို မသိကြသေး

ဘွိုင်ကော့တာဇာတ်ကား ပြသစဉ်က ကျောင်းသားခေါင်းဆောင်တစ်ဦးဖြစ်သူ ကိုအောင်ဆန်းအား တိုင်းပြည်က ကောင်းစွာသိရှိကြဟန် မတူသေးပေ။ ဇာတ်ကားအကြောင်း သတင်း၌ “ဘွိုင်ကော့တာကား ဇာတ်ထုပ်ကို စီစဉ်သူများမှာ သပိတ်မှောက်ခေါင်းဆောင် ဦးနု၊ မစ္စတာရာရှစ်၊ သပိတ်မှောက်ကောင်စီဝင် ကောလိပ်ကျောင်းသူကျောင်းသားများနှင့်တကွ ဒါရိုက်တာဦးဘဇင်ပင်ဖြစ်ကြောင်း” ဟူ၍ ဖော်ပြထားသော်လည်း ကိုအောင်ဆန်း၏အမည် မပါရှိခဲ့ပေ။

ကိုယ်တွေ့အဖြစ်အပျက်

ရုပ်ရှင်ဇာတ်ကားတွင် ကိုအောင်ဆန်းနှင့် တက္ကသိုလ်ကျောင်းသားများပါဝင်သော ဇာတ်ဝင်ခန်းကို လက်တွေ့အဖြစ်အပျက်နှင့် အတတ်နိုင်ဆုံးတူညီစွာ ရိုက်ကူးခဲ့ပုံနှင့် ပတ်သက်၍လည်း သူရိယသတင်းထောက်က “ကျွန်ုပ်သည် သပိတ်မှောက်သည့်နေ့က ကိုယ်တွေ့မျက်မြင်တစ်ဦး ဖြစ်သည့်အတိုင်း ဘွိုင်ကော့တာဇာတ်ထုပ်ကို ပထမနေ့ကပင် ကြည့်ရှုရာ ဇာတ်ထုပ်တွင်ပါရှိသည့် အခန်းများမှာ သပိတ်မှောက်စဉ်အခါက ဖြစ်ပျက်သော အဖြစ်အပျက်များနှင့် တစ်သဝေမတိမ်း ထပ်တူထပ်မျှ တူလှပေကြောင်း။ ဤကဲ့သို့ အဖြစ်အပျက်ကိုရိုက်ကူး၍ ဇာတ်ထုပ်သဖွယ် ပြုလုပ်ပြသည်မှာ ကျွန်ုပ်သိရသလောက် ဗြိတိသျှဘားမားက အရှေးဦးပထမပင်ဖြစ်ကြောင်း” စသည်ဖြင့် ရေးသားဖော်ပြခဲ့သည်။

ဒါရိုက်တာ ဦးဘဇင်

ဘွိုင်ကော့တာဇာတ်ကားကို ရိုက်ကူးခဲ့သူ ဒါရိုက်တာဦးဘဇင်မှာ မျိုးချစ်စိတ်ဓာတ် ပြင်းထန်သူဖြစ်သည့်အပြင် ရဲစွမ်းသတ္တိနှင့် ပြည့်စုံသူတစ်ဦးဟုလည်း ဆိုနိုင်ပါသည်။ ၁၉၃၆ ခုနှစ် ဒုတိယကျောင်းသားသပိတ်ဖြစ်ပြီးစ ကာလ၌ပင် ကျောင်းသားသပိတ်ကာလ အဖြစ်အပျက်များကို ဇာတ်လမ်းတွင် ထည့်သွင်းရိုက်ကူးဝံ့ခြင်းမှာ အံ့မခန်းစိတ်ဓာတ်ပင် ဖြစ်ပါသည်။

သတင်းဖော်ပြရာတွင် “ဇာတ်ကား၌ ကြောက်စိတ်ကျွန်စိတ်တွေဖျောက်ပြီး ဇာတိမာန်တက်ကြွစေ၍ အမျိုးသားအကျိုးကို မလျော့သောလုံ့လနှင့် ဆောင်ရွက်ရန် တိုက်တွန်းထားကြောင်း။ ၎င်းပြင် အမျိုးသားတက္ကသိုလ် ဖြစ်မြောက်ရန်အတွက် ကျောင်းတော်သူ ကျောင်းတော်သားများက မည်ကဲ့သို့ဆောင်ရွက်သည့် အခန်း၊ အခက်အခဲများကို ရိုက်ကူးထားသဖြင့် ဒါရိုက်တာဦးဘဇင်အား အထူးချီးမွမ်းထိုက်ကြောင်း” စသည်ဖြင့် ရေးသားထားသည်ကို တွေ့ရှိရပါသည်။

သတင်းစာဆရာတစ်ဦး၏ အမြင်

မဏ္ဍိုင်သတင်းစာမှ သတင်းစာဆရာတစ်ဦးဖြစ်သူ မောင်ထိန်က နောက်ပိုင်းသူ၏အမြင်ကို ရေးသားဖော်ပြရာတွင် “ဗိုလ်ချုပ်အောင်ဆန်းကို ကျွန်တော်သည် ဗြိတိသျှဘားမား ရုပ်ရှင်ကုမ္ပဏီဒါရိုက်တာ သခင်နု (ယခုဝန်ကြီးချုပ်ဦးနု) ရိုက်ကူးသော ဘွိုင်ကော့တာဇာတ်ကားမှ စတင်သိခဲ့သည်။ ဗိုလ်ချုပ်အောင်ဆန်း ပါဝင်ရိုက်ကူးသောအခန်းမှာ သပိတ်အရေးနှင့်တ်သက်၍ ကျောင်းသားသမဂ္ဂခေါင်းဆောင်များ စည်းဝေးခန်းဖြစ်ပါသည်။ ထိုအခန်းတွင် သခင်အောင်ဆန်း၊ သခင်လှဖေ (ဗိုလ်လက်ျာ)၊ ဦးထွန်းအုံ(မြူမင်းကြီးဦးထွန်းအုံ)၊ မစ္စတာအမ်အေရာရှစ်(၀န်ကြီးဦးရာရှစ်)နှင့် သမဂ္ဂခေါင်းဆောင်များ ပါဝင်ကြသည်။

ထိုအချိန်က ဗိုလ်ချုပ်အောင်ဆန်းကို ကျွန်တော်သည် သိပင်သိသော်လည်း လုံးဝဂရုမထားချေ။ ကျွန်တော်တို့ခေါင်းဆောင်ကြီး ဖြစ်မည်ဟုလည်း လုံးဝမမျှော်လင့်ခဲ့ပေ။ ဘာကြောင့်နည်း။ သူ၏ အ၀တ်အစားချို့တဲ့မှု၊ ဆံပင်ကို ဖြီးလိမ်းခြင်းမရှိ၊ စုတ်ဖွားဖွားထားခြင်း၊ မျက်နှာအနေအထား ကြည်လင်မှုမရှိ၊ အမြဲမှုန်တေတေ ဖြစ်နေခြင်းတို့ကြောင့် သာမန်နောက်လိုက် အမှုဆောင်တစ်ယောက်ဟုပင် ထင်မိသည်” ဟု ရေးသားဖော်ပြခဲ့ဖူးပါသည်။

ကိုအောင်ဆန်း၏ သရုပ်ဆောင်ဟန်

ဘွိုင်ကော့တာ ရုပ်ရှင်ဇာတ်ကားတွင် ကျောင်းသားခေါင်းဆောင် ကိုအောင်ဆန်း၏ သရုပ်ဆောင်ဟန်အဖြစ် တိုက်ပုံအနက်ဝတ်ဆင်လျက် ရိုက်ကူးထားသော ဓာတ်ပုံတစ်ပုံကို တွေ့ရှိရပါသည်။ ကိုအောင်ဆန်း၏နောက်တွင် အခြားကျောင်းသားခေါင်းဆောင် အချို့ကိုလည်း တွေ့ရှိရပါသည်။ ယင်းဓာတ်ပုံမှာ ဘွိုင်ကော့တာရုပ်ရှင်ဇာတ်ကားမှ ကျောင်းသားကိုအောင်ဆန်း၏ သရုပ်ဆောင်ဟန်ဖြစ်ကြောင်း မြန်မာ့ရုပ်ရှင် ရွှေရတုသဘင်အခမ်းအနား ကျင်းပစဉ်က သိမီလိုက်ကြသည့် ရုပ်ရှင်ပညာရှင်များက အတည်ပြုပြောကြားခဲ့ကြပါသည်။

လူကြမ်းမင်းသားအား ကရုဏာသက်ကြပုံ

ရုပ်ရှင်ကြည့် ပရိသတ်သည် ရန်ကုန်တက္ကသိုလ် ကျောင်းသားသပိတ်ခေါင်းဆောင်များ သပိတ်မှောက်ကြသည့်အခန်း၊ တရားဟောကြသည့်အခန်းများကို ကြည့်ရှုအားပေးခဲ့ကြသကဲ့သို့ လူကြမ်းလှမောင်ကြီး၏ သရုပ်ဆောင်ပုံကိုလည်း ကြည့်ရှုကာ ၀မ်းနည်းကြေကွဲခဲ့ကြသည် ဆိုပါသည်။ လှမောင်ကြီးမှာ ဘွိုင်ကော့တာဇာတ်ကား ရိုက်ကူးပြီးစတွင် ကွယ်လွန်သွားခဲ့ရာ ဇာတ်ကားရုံတင်ပြသစဉ် သက်ရှိထင်ရှားမရှိတော့ပေ။ ပရိသတ်အချို့က ရုပ်ရှင်ကြည့်ရင်း “ကိုလှမောင်ရေ အမျှဗျို့” ဟူ၍ပင် အော်ဟစ်အမျှအတန်းဝေခဲ့ကြသည် ဆို၏။

နောင်တစ်ချိန်တွင် မြန်မာ့လွတ်လပ်ရေး ဗိသုကာကြီးဖြစ်လာမည့် တက္ကသိုလ်ကျောင်းသား ကိုအောင်ဆန်းကို ပရိသတ်က သတိမပြုမိကြသေးဘဲ လူကြမ်းလှမောင်ကြီးကိုသာ တမ်းတခဲ့ကြသည့်အပေါ် အမှတ်ရခဲ့မိကြောင်း ဘွိုင်ကော့တာဇာတ်ကား ကြည့်ရှုခဲ့ဖူးသူတစ်ဦးက ပြန်ပြောင်းပြောပြခဲ့ပါသည်။

ကျမ်းကိုး-
၁။ ဗိုလ်ချုပ်ဘာကြောင့် ခေါင်းဆောင်ဖြစ်ခဲ့သလဲ။ (မောင်ထိန်) မဏ္ဍိုင် (၁၉-၇-၁၉၅၅)
၂။ သူရိယသတင်းစာ(၂၄-၉-၁၉၃၇)ပါ သတင်းဖော်ပြချက်။

(ဘွိုင်ကော့တာရုပ်ရှင်ဇာတ်ကားကြော်ငြာ (ပုံသေး) နှင့် ဘွိုင်ကော့တာဇာတ်ကားမှ ကျောင်းသားခေါင်းဆောင် ကိုအောင်ဆန်း၏ သရုပ်ဆောင်ဟန်)

Aung San

Daw Khin Kyi

Aung San

Aung San's Family

Aung San

ဗိုလ်ချုပ် နဲ့ သူနာပြုဆရာမလေး ဒေါ်ခင်ကြည် တို့ရဲ့ လက်ထပ်မင်္ဂလာ အခမ်းအနား။

ဗိုလ်ချုပ် နဲ့ သူနာပြုဆရာမလေး ဒေါ်ခင်ကြည်
တို့ရဲ့ လက်ထပ်မင်္ဂလာ အခမ်းအနား။
( 6. 9. 1942 ) နေ့မှာ လက်ထပ်ခဲ့တာ
ဖြစ်ပြီး နေရာကတော့ ရန်ကုန်ဆေးရူံကြီး
အရှေ့ဘက် အစွန်ဆုံး ခန်းမဆောင်မှာ
ဖြစ်ပါတယ်။

Aung San's family

Bogyoke Aung San

.The Boycotter- Burmese Old Film(1936?)

`ဗိုလ်ချုပ်ကိုယ်တိုင် အခန်းတစ်ခုတွင် ပါဝင်သရုပ်ဆောင်ထားသည့် ....ဘွိုင်ကောက်တား ရုပ်ရှင်(၁၉၃၆?)``

Aung San

U Aung San

Aung San,

စက်တင်ဘာလ ၆ရက်နေ့ဟာ မေမေနဲ့ ဖေဖေတို့လက်ထပ် ထိမ်းမြားခဲ့တဲ့ နေ့ဖြစ်ပါတယ်။ ဒီနှစ်ဆိုရင် ၇၁နှစ်မြောက်ပြီပေါ့။ ဒါပေမဲ့ ပေါင်းသင်းခဲ့ရတာကတော့ ၅ နှစ်တောင် မပြည့်ပါဘူး။ ဒီ၅နှစ်လုံးကလည်း အေးအေးဆေးဆေး နေခဲ့ရတယ်ကို သိပ်မရှိပါဘူး။ အဲဒီအချိန်အခါက ဗမာ့ကာကွယ် ရေးတပ်မတော် ဦးစီးချုပ်၊ ကာကွယ်ရေးဝန်ကြီး တာဝန်တွေကို ထမ်းဆောင်ရတာ ပင်ပန်းရုံမက အန္တရာယ်လည်း များပါတယ်။ အန္တရာယ်ဆိုတာ စစ်မြေပြင်မှာ တင်ပြောတာ မဟုတ်ပါဘူး။ စစ်ရေး စစ်ရာတွေအပြင် နိုင်ငံရေး ကိစ္စတွေကိုပါ အင်မတန်ရှုပ်ထွေး ကြမ်းတမ်းတဲ့ ကာလမှာ ကိုင်တွယ်နေရတော့ နေ့မအား၊ ညမအား၊ လူမအား၊ စိတ်မအား လုပ်ကိုင်ကြိုးစား ရပါတယ်။ အနေအထိုင်ဆင်းရဲတဲ့ ကာလကြီးလည်း ဖြစ်ပါတယ်။ ကျွန်မတို့ အစ်ကို အကြီးဆုံး အောင်ဆန်းဦး မွေးဖွားချိန်ကဆိုရင် ကလေးတိုက်ဖို့နွားနို့က ရေရောထားတာမျိုးပဲ ရနိုင်တယ်။ ကလေးနို့ပုလင်း မရနိုင်လို့ ဇွန်းကလေးနဲ့တိုက်ရတယ်လို့ ကျွန်မကို လူကြီးတွေက ပြောပြဖူးပါတယ်။ တကယ်တော့ ဖေဖေ့ရာထူး အနေအထားနဲ့ အခွင့်အရေးယူမယ်ဆိုရင် နွားနို့ကောင်းကောင်းနဲ့ ကလေးနို့ပုလင်း တစ်ပုလင်းလောက်တော့ ရနိုင်လောက်မယ် လို့ ထင်ပါတယ်။ ခက်ခက်ခဲခဲ၊ ဆင်းဆင်းရဲရဲ ပဲ နေခဲ့တာကို ကျေနပ်ဂုဏ်ယူမိပါတယ်။

မေမေက စစ်မီးလောင်ကျွမ်း နေတဲ့ အချိန်မှာ တာဝန်မပျက်ခဲ့တဲ့ သူနာပြု ဆရာမတစ်ယောက်ပီပီ သတ္တိအပြည့်နဲ့ ဘ၀ကို ရင်ဆိုင်ခဲ့ပါတယ်။ သက်သက်သာသာ နေရဖို့ စိတ်ကူးခဲ့ပုံ မပေါ်ပါဘူး။ ဂျပန်တော် လှန်ရေးဆင်နွှဲဖို့ ဆုံးဖြတ်တဲ့ကာလမှာ ဖေဖေအတွက် အန္တရာယ်တွေ ပိုလာပါတယ်။ ဂျပန်တွေ က လိုက်ဖမ်းဖို့ ရှာနေတဲ့ သခင်စိုးကို နိုင်ငံရေး ဆွေးနွေးပွဲတွေ အတွက် တိတ်တဆိတ်ခေါ်လာပြီး အိမ်ထဲမှာ ၀ှက်ထားပေးရပါတယ်။ ဖေဖေတို့အစည်း အဝေးတွေပြီးတဲ့အခါမှာ မေမေကိုယ်တိုင် အခန်းကို ရှင်းရပါတယ်။ မတော်တဆ စာရွက်တစ်ရွက်၊ စက္ကူစတစ်စ ကျခဲ့၊ ကျန်ခဲ့လို့ အခြားသူတွေ မြင်သွားမှာ စိုးရိမ်လို့ ဒီလိုလုပ် ရတာပါ။

တော်လှန်ရေးအတွက် အစီအစဉ်တွေ လုပ်တဲ့အခါ မေမေနဲ့ ကျွန်မ အစ်ကိုနှစ်ယောက် (ကျွန်မကတော့ မေမေ့ဝမ်းထဲမှာ ရှိပါသေးတယ်) ဘယ်မှာ သွားနေရမလဲဆိုတာ စဉ်းစားရပါတယ်။ ဒီကိစ္စကို ဗိုလ်လက်ျာကို တာဝန်ပေး လိုက်ပါတယ်။ ဖေဖေနဲ့ မေမေကိုယ်တိုင် ဗိုလ်လက်ျာ ဘယ်လို စီစဉ်တယ်ဆိုတာ မသိပါဘူး။ မေးလည်း မမေးကြပါဘူး။ ကိုယ့်စည်း၊ သူ့စည်း၊ ကိုယ့်တာဝန်၊ သူ့တာဝန် ခွဲခြားထားတဲ့ အတိုင်းပဲ လက်ခံကြပါတယ်။ မေမေတို့အဖွဲ့ ကြက်ဖ မွေးဇောင်း ကိုသွားတဲ့ခရီးကတော့ သည်းထိတ်ရင်ဖို ဇာတ်လမ်းတစ်ခုပါပဲ။ ကျွန်မကတော့ မေမေ့ဝမ်းထဲမှာ ရှိစဉ်ကတည်းက တာဝန်အရ စေလွှတ်ရာကို မမေးမမြန်း လိုက်ပါသွားရတဲ့ အဖြစ်မျိုးနဲ့ ယဉ်ပါးခဲ့တာ ပါလို့ပဲ စကားကြီး စကားကျယ်ပြောနိုင်တာပေါ့။
ကြက်ဖမွေးဇောင်း မှာနေရဲတဲ့ သုံး၊ လေးလအတွင်း မေမေ့ ဆံပင်တွေ စဖြူလာတယ်လို့ မေမေနဲ့အတူ လိုက်သွားခဲ့တဲ့ ဒေါ်လေးက ပြောဖူးပါတယ်။ ဂျပန်တပ်များက ဖေဖေ့မိသားစုကို လိုက်ရှာကြပါတယ်။ ဒီ့အပြင် ဖေဖေ့ကို ဖမ်းမိပြီဆိုတဲ့ သတင်းတွေလည်း လွှင့်ပါတယ်။ ဘာအဆက်အသွယ်မှာ မရှိတော့ မေမေ့အနေနဲ့ တစ်ချိန်လုံး စိုးရိမ်ပူပင်သောက ၀င်နေရတော့တာပါပဲ။ ပတ်ဝန်းကျင်က မသိအောင်လည်း နေရပါတယ်။ ရန်ကုန်ကနေ ဗုံးအန္တရာယ် ကလွတ်အောင် လာခိုလှုံနေတဲ့ အရေးပိုင် မိသားစုလို့ အသိပေးထားပါတယ်။ သတင်းစာတွေတောင် အတော်ရှားပါး၊ ဓာတ်ပုံတွေလည်း ရှားပါးတဲ့ခေတ်ဆိုတော့ ဖေဖေ့မိသားစု ဘယ်လို နေမှန်းသိသူက အင်မတန် နည်းပါးလို့လည်း ဒီလို ခိုလှုံနေလို့ ရတာပါ။ ယခုခေတ်လို သတင်းဖြန့်ချိမှုအား ကောင်းခဲ့ရင် ဘယ်လိုမှ လူမသိအောင် လုပ်နိုင်ခဲ့မှာ မဟုတ်ပါဘူး။

တော်လှန်ရေးပြီးပြန်တော့လည်း ဖေဖေနဲ့ မေမေတို့ အေးအေးဆေးဆေး မနေရပါဘူး။ ဖေဖေက ရန်ကုန်ပြန် ရောက်ရောက်ချင်းဆိုသလို လွတ်လပ်ရေးအတွက် လှုပ်ရှားရုန်းကန်ရပါတယ်။ ကျွန်မကလည်း အဲဒီအချိန်မှာ လောကကြီးထဲ ရောက်လာပါတယ်။ နိုင်ငံရေး အရှုပ်ထွေးဆုံး ကာလပါပဲ။ ယခုခေတ်ကနေ ၁၉၄၅ ခုနှစ်မှ ၁၉၄၇ ခုနှစ်တွေကို ပြန်ကြည့်လိုက်ရင် ဖေဖေက တစ်တိုင်းပြည်လုံးရဲ့ ထောက်ခံအားပေးမှုနဲ့ လွတ်လပ်ရေးလှုပ်ရှား မှုကြီးကို ဦးဆောင်ခဲ့တယ်လို့ မြင်သူတွေ မှားပါတယ်။ အတိုက်အခံ၊ အတိုက်အခိုက်တွေ အင်မတန် များခဲ့တယ် ဆိုတာ မသိကြပါဘူး။ လွတ်လပ်ရေးကိုတော့ ရချင်ကြပါတယ်။ ဒါပေမဲ့ ဘယ်လို ပုံစံနဲ့ရယူမှာလဲဆိုတာနဲ့ ပတ်သတ်လို့တော့ အမြင်တွေ အတော်ကွဲပြားကြပါတယ်။

လွတ်လပ်ရေးရခါနီးအချိန်မှာ မျှော်လင့်ချက်တွေ တက်လာတာနဲ့အမျှ သဘောထား ကွဲလွဲမှုတွေ ပြင်းထန်လာပါတော့တယ်။ ဒါတွေရဲ့ အကျိုးဆက်အဖြစ် ဖေဖေကျဆုံးသွားတဲ့ အချိန်မှာ မေမေဟာသား၊ သမီး သုံးယောက်နဲ့ ကျန်ခဲ့ပါတယ်။ ဒါနဲ့အတူ ဖေဖေဟာ ဂုဏ်သိက္ခာနဲ့မညီတဲ့ ဘာကိစ္စကိုမှ မလုပ်ရ လေအောင် ကြံ့ကြံ့ခံပြီး ဒုက္ခတွေ ရင်ဆိုင်ခဲ့တယ်ဆိုတဲ့ ကျေနပ်မှုကတော့ တန်ဖိုးမဖြတ်နိုင်တဲ့ တစ်သက်တာအတွက် အင်အားတွေလည်း ကျန်ခဲ့ပါတယ်။

ဒီတစ်ပတ်တော့ဒီမျှသာ။ ။

အောင်ဆန်းစုကြည်

Bogyoke Aung San